Transcription
1
Monsieur, suyvant ce que vous scripvites à monsieur
2
de Veaulne, il mest venu trover et après luy advoyr
3
faict antandre ce que madviés commandé luy dire,
4
il est demeuré sy satisfaict que oultre le premier
5
debvoyr, il se sent sy estroytement hobligé à
6
vous quil desire au asart de sa vie vous fère
7
paroistre combien il vous est fidelle et très affectionné
8
serviteur. Et estant vers vous, il vous dira les
9
hocasions quy le faict contenter de ce quila.
10
Au demeurant, monsieur, je nay heue aulcugne
11
de vous nouvelles puys le retour de mon laquey. Je
12
vous supplie très humblement men fère part, anssemble
13
de celles de messieurs d’Evènes et de Laval pour savoyr
14
silz hont passé oultre. Tout ce que je vous puys dire
15
de ce costé est quilia afforsse malades. Monsieur
16
d’Embrun en a pour sa part, à ce quil mescript, neuf
17[barré : pour sa part ] en sa mayson. Yssy, tout sy porte bien.
18
Jattandoys monsieur de Corbons, mayant asseuré
19
par ses lettres quil debvoyt partir le XIIe de ce moys.
20
Madame la contesse de Grignan se fache fort de ce quil
21
ne vient, estant presser de monsieur le conte son mary
22
de sen aler ; et sil fault quelle parte sens le voyr, se luy
23
sera ung grandissime regret, comme nous advons tous
24
[v°] que vous ne nous ayés faict ceste honeur destre
25
yssy pour quelques jours, masseurent que conbien
26
que vous soyés en lieu hoù vous advés les frescheurs,
27
que vous ne vous feussiés anuyé en istissy ; et
28
ayant perdu ceste hocasion, je ne sey quant nous
29
arons ce bien de vous y voyr. Ce pandent, toute ceste
30
compagnie vous baysent très humblement les mayns
31
et je supplie Notre Seigneur vous donner
32
Monsieur, en parfaicte prosperité très heureuse et
33
très bonne vie et longue. De Prunières, ce XXe
34
aoust 1572
35
Vostre très humble serviteur
36
Rousset
37
Monsieur, despuys ceste scripte, jay resseu des
38
lettres de messieurs d’Evènes et de Laval du XVe, mescripvant
39
quilz espèrent partir bien tost et quilz prandront le chemin
40
de Bourgongne, auquel monsieur d’Evènes me balhe quelque
41bonne esperensse. Dieu veulhe quil laye sy agreable quil y [barré : prye ]
42
passe toujour. Jay veu ce quescripvés au sieur des Vignals. Il
43
me fet tenir toutes vous lettres et, par mesme, monsieur
44
d’Embrun a resseu les sienes ; porroyt estre que sodeynement
45
ne se trovent comodités les anvoyer sy tost. Sy je ne
46
cregnoys estre importun, je vous supplieroys me donner
47
ung hoyseau.